甚麽是單寧

肯尼思酒窖逢星期五都會係到同大家分享少少關於酒嘅知識同趣聞，今日同大家分享一下關於紅酒入面其中一個重要元素 – 單寧嘅小知識啦！ 紅酒中含有抗氧化成份，適量地飲用，有助降低罹患心血管、以及第二型糖尿等疾病嘅風險。紅酒包含左幾種重要成份，但係原來紅酒對身體嘅益處都係來自於單寧。 系紅酒成份當中，除左酒精同水，其餘成份都係多酚類。多酚類中包含左單寧、花色素甘、白藜蘆醇、以及5000種左右嘅植物化合物。係眾多嘅多酚元素當中，對健康最有正面影響嘅莫過於前花青素。前花青素係一種濃縮左嘅單寧，係綠茶同朱古力當中都可以見到佢地嘅蹤影㗎！前花青素對抑制血栓相當有幫助，適量汲取可以幫助身體達到心臟健康以及長壽嘅目的。 以年輕嘅酒同陳年老酒為例，年輕嘅紅葡萄酒比任何一種酒都有更高嘅單寧含量。大家都話酒係越老越好，越老越美味，但係若果從健康角度思考的話，咁就唔同講法啦！ 當然，任何野就算再有益，適量地汲取都係好重要嘅。如果你飲用超過左適量嘅飲酒量，所有優點都會被風險取代！所以，切忌過猶不及，適量飲酒係非常重要㗎！ 今日嘅《肯尼思酒趣聞》就黎到呢到，我地下星期見！ 資料來源: https://winefolly.com/tips/facts-about-red-wine/